20160516-Artikel-am

ՄԵՆՔ - MENK

 

Կողքի հարեւանը

 

Զուիցերացիներուն վերջին ժամանակներ յուզող հարցերէն մէկը Զուիցերիոյ փոքրիկ ու խաղաղ գիւղի մը մէջ Ս. Ծննդեան տօնէն քանի մը օր առաջ պատահած քառապատիկ սպանութեան դէպքն էր: Յանցագործը նախապէս պատրաստուած ըլլալով մտած էր տուն մը ու վայրագ ձեւով սպանած էր կնոջ մը իր երկու 13 ու 19 տարեկան տղաներուն ու աւագ տղու ընկերուհիին, պղծելով փոքր տղուն, կտրելով բոլորի կոկորդը ու յետոյ կրակի տալով իրենց մարմինները: Գրեթէ հինգ ամիս յետոյ ուտիկանութիւնը յաջողեցաւ գտնել յանցագործին ու ձերբակալել անոր: Իսկ յանցագործը 500 մ. հեռաւորութեամբ ապրող մէկն էր, ուսանող, Ֆութպոլի երիտասարդական խմբի մարզիչ, ժպտերես անձնաւորութիւն այսինքն կարճ խօսքով մեր բարեհաճ կողքի հարեւանը: Մինչեւ ձերբակալումը կ՛ապրեր աննկատ կերպով ինչպէս մինչեւ սպանութիւնը: Իր բարեկամները, ծանօթները ու գիւղի բնակիչները զարմացած էին թէ ինչպէս այսպէս խաղաղ անձ մը նման արարք մը կը գործէ: Սակայն իրեն ձերբակալումը հանրութեան կողմէ սպասում մըն էր, արդարութեան վերականգման պահանջ, ապագայ նման արարքներուն կանխելու տեսակէտէն պարտադրութիւն ու բերաւ բոլորի համար հանգստութիւն:

 

Այս դէպքին հետ կապուած կրնանք մեր ուշադրութիւնը կետրոնացնել երկու գլխաւոր կէտերու վրայ: Նախ անհատի մը էութիւնը կերտողը ոչ թէ իր արտաքին կերպարն է այլ իր հոգու ու ոգեղէնութեան աստիճանը: Երկրորդ եթէ կայ յանցանք մը ուրեմն յանցաւորը պէտք է ենթարկուի պատասխանատուութեան:

 

Ինչ որ անհատի մը պարագային հասկնալի է շատ դժուար է ըմբռնել ազգերու ու պետութիւններու մակարդակի վրայ:

 

Հայաստանի հարեւանութեամբ ալ կը գտնուին պետութիւններ որոնց թէ էութիւնը պարզ է (քոնէ պարզ պէտք է ըլլայ հայութեան համար) և թէ իրենց յանցանքը յստակ է բայց միջազգային հանրութեան հաւանութեամբ կը շարունակեն իրենց գոյութիւնը սեփական էութեան հաւատարիմ մնալով:

 

Գիւղի բնակիչները թոյլ չպիտի տային որ յանձագործը նման վայրագ արարքէ մը յետոյ իր կյանքը նման կերպ շարունակի, նոյնպէս Հայութիւնը անկախ միջազգային հանրութեան տարբեր ձեւի կարծիքներուն (նաև իրենց էութիւնը ըմբռնել պարտադիր է) չի կրնար թոյլ տալ որ իր հարեւանութեամբ գտնուող յանցաւորները իրենց առաքելութիւնը շարունակեն:

 

 

ՄԵՆՔ, 16.5.2016